Пејачот Миле Китиќ со децении се смета за едно од најпознатите имиња на регионалната фолк сцена.
Благодарение на долгата и успешна кариера, тој постигна финансиска стабилност, па денес ужива во мирен и удобен живот со сопругата Марта Савиќ и ќерката Елена.
Иако е сè уште активен на музичката сцена и редовно настапува, Китиќ откри дека веќе прима пензија, и тоа од неколку извори.
Зборувајќи за своите приходи, тој истакна дека има право на пензија од Босна и Херцеговина, како и од Србија, и дека износите не се големи, бидејќи со текот на годините плаќал минимални придонеси првенствено за здравствено осигурување.
Китиќ на шега рече дека од тие пензии можел да си дозволи само еден квалитетен ручек, но нагласи дека тоа не му претставувало проблем, бидејќи во текот на неговата повеќе од 50-годишна кариера успеал да обезбеди доволно средства за безгрижен живот.
– Веќе сум во пензија и можам да кажам дека сум задоволен. Половина век сум на сцената, многу сум работел и настапувал. Не заработив огромно богатство, но создадов доволно за да живеам мирно до крајот на животот – рече пејачот.
Тој додаде дека верува оти долгорочната работа на естрадата имала смисла токму затоа што денес му овозможува финансиска сигурност и живот без поголеми грижи.
