Нетфликс го објави првиот трејлер за новата романтична комедија со Џенифер Лопез во главната улога, а станува збор за филмот „Office Romance“. Ќе биде објавен на платформата на 5 јуни.
Во филмот, Лопез ја игра Џеки Круз, моќен извршен директор на компанија која започнува тајна врска со својот нов вработен Даниел (Брет Голдштајн). Нивната романса наскоро прераснува во нешто сериозно, но и ризично, бидејќи ги крши правилата на компанијата и ги загрозува нивните кариери.
Трејлерот покажува дека филмот има малку посмел и провокативен хумор од класичните романтични комедии на Џенифер Лопез, со многу хемија меѓу главните ликови.
Филмот е режиран од Ол Паркер, а сценариото го напиша самиот Голдштајн заедно со Џо Кели. Други членови на екипата се Бети Гилпин, Ејми Седарис, Тони Хејл, Бредли Витфорд и Едвард Џејмс Олмос.
Ол Паркер претходно ги режираше „Замисли ме и тебе“, „Мама миа! Еве нè повторно“ и романтичната комедија на Џулија Робертс и Џорџ Клуни „Билет за рајот“.
Филмот означува враќање на Нетфликс за Лопез, која претходно глумеше во акциониот трилер „Мајка“ од 2023 година и научно-фантастичниот акционен филм „Атлас“ од 2024 година.
