Македонската фудбалска репрезентација до 19 години загуби денеска од Словенија со 3-1, во првиот од двата контролни натпревари што двете селекции ќе ги одиграат во Струмица.
Избраниците на селекторот Димитар Капинковски по само половина час игра се најдоа во два гола негатива, откако Флоријан Межнар биеше прецизно во 26 минута, а само пет минути подоцна Денис Виденовиќ го зголеми водството на Словенија.
До крајот на полувремето, Иво Марковски ја намали негативата во 42 минута, но Тилен Летоња со прецизен удар од далечина ја завери победата на Словенците во 74.минута
Вториот натпревар меѓу двете селекции е закажан за в четврток. (МИА)
