IDEB Братислава 2026 . На покана на заменик-премиерот и министер за одбрана на Словачка, Роберт Калинак, денеска присуствував на свеченото отворање на меѓународниот саем за одбранбена и безбедносна технологија IDEB во Братислава, Словачка, изјави министерот за одбрана, Владо Мисајловски.
Саемот претставува значајна платформа за презентација на современи технологии, иновации и достигнувања во областа на одбраната и безбедноста, како и одлична можност за размена на искуства, идеи и добри практики меѓу сојузничките и партнерските држави. Во услови на современи безбедносни предизвици, ваквите настани имаат особено значење за унапредување на меѓународната соработка, следење на технолошкиот развој и зајакнување на капацитетите во областа на одбраната и безбедноста, се вели во објавата на Фејсбук на министерот Мисајловски.
