Душко Тошиќ неодамна потврди дека е повторно среќен во љубовта, а сега ја објави првата фотографија со својата нова партнерка на социјалните мрежи.
Станува збор за атрактивна русокоса по име Нора, со која поранешниот фудбалер позираше во градината на еден ресторан.
Русокосата со модерна фризура и дискретна шминка позираше насмеана, облечена во елегантна светла карирана комбинација со розови детали, додека на раката носеше златна нараквица.
Од друга страна, Тошиќ позираше во лежерна кафена кошула, гледајќи директно во камерата со мала насмевка, додека ја потпираше главата на партнерката.
Оваа прва јавна заедничка фотографија покажува дека двојката ужива во својата врска и моментите заедно.
Според медиумите, срцето на Тошиќ го освои жена која има брак и две деца зад себе.
Извор близок до двојката тврди дека тие многу брзо се зближиле.
„Душко и Нора се поврзаа веднаш. Имаат слична енергија, поминуваат многу време заедно и речиси не се разделуваат“, рекол изворот.
Поранешниот српски репрезентативец претходно разговараше со медиумите и накратко потврди дека е среќен со својата нова љубовна врска.
„Вистина е. Во среќна врска сум и сум задоволен“, рекол Тошиќ.
Неговата објава предизвика големо внимание на социјалните мрежи, а бројни следбеници му испратија честитки и добри желби на парот.
