Унијата на жени на ВМРО-ДПМНЕ, во соработка со фондацијата „Конрад Аденауер“, во периодот од 17 до 19 април во Скопје организира меѓународен настан посветен на унапредување на женското лидерство и европската перспектива на Западен Балкан.
Целта на овој овој настан е да обедини политичарки, носители на одлуки и експерти од регионот и Европа со цел размена на искуства и зајакнување на улогата на жените во процесите на донесување одлуки.
Во фокусот на дискусиите се актуелните геополитички и безбедносни предизвици, нивното влијание врз процесот на проширување на Европската Унија, како и улогата на женското лидерство во овие процеси.
Дополнително, ќе се отвори дебата за енергетската транзиција, транспортната поврзаност и значењето на иновациите и STEM за иднината на регионот.
Преку интерактивен формат, настанот ќе придонесе кон зајакнување на регионалната соработка и поддршка на европските политики.
Официјалниот претставник на Фондацијата Конрад Аденауер во земјава, Даниел Браун, имаше свое обраќање:
-Како директор на канцеларијата на Фондацијата Конрад Аденауер во земјата со задоволство изразувам поддршка на конференицијата на Унијата на жени на ВМРО-ДПМНЕ која е партнер на организацијата на жени на Европската Народна Партија. Живееме во време на предизвици, како во поглед на геополитичката безбедност, така и во поглед на големите општествени промени предизвикани од новите технологии како што е вештачката интелигенција. Во таа насока, важно е да се има широк, но и диференциран пристап кон темите. Учеството на високи гости од земјите во регионот, како и учеството на преставници од Брисел, се доказ дека овие теми заслужуваат огромно внимание. Како раководител на канцеларијата на Фондацијата Конрад Аденауер, би сакал да се заблагодарам за долгогодишната успешна соработка со Жаклина Пешевска и со Унијата на жени на ВМРО-ДПМНЕ, рече тој.
Во рамки на програмата, дискусиите ќе се насочат кон актуелните геополитички и безбедносни предизвици и нивното влијание врз процесот на проширување на Европската Унија, при што особено внимание ќе се посвети на улогата на женското лидерство во обликувањето на овие процеси. Паралелно, ќе се отвори поширока дебата за енергетската транзиција, транспортната поврзаност и нивната улога во забрзување на европската интеграција на регионот. Дел од програмата ќе биде посветен и на значењето на жените во науката, технологијата и иновациите, со фокус на градење мостови помеѓу Западен Балкан и Европската Унија во овие области.
Преку интерактивен формат и размена на искуства, настанот има за цел да придонесе кон зајакнување на регионалната соработка, поддршка на европските политики и унапредување на учеството на жените во процесите на донесување одлуки.
