Недостига официјализација од двата клуба, но неколку минути пред истекот на зимскиот преоден рок соборен е рекордот на англискиот фудбал, јавија релевантни англиски медиуми. Имено, депониран е трансферот на Енцо Фернандез од Бенфика во Челзи за рекордни 120 милиони евра. 25% од оваа сума добива Ривер Плата, која вметна клаузула при трансферот на фудбалерот во Бенфика.
Португалскиот гигант му дозволи на Фернандез да ги помине медицинските тестови во Лисабон и го комплетира договорот пред крајниот рок на полноќ. Фудбалерот потпиша договори до јуни 2031 година.
Претходно најскап трансфер во Премиер лигата беше ланскиот премин на Џек Грилиш од Астон Вила во Манчестер Сити.
