Црниот дроб е многу важен орган чија функција, меѓу другото, е да го чисти телото од токсини, да помага во варењето, да складира витамини и минерали и да синтетизира протеини. Иако има единствена способност да се регенерира по оштетување, не е неуништлив, а изборот на храна и пијалоци значително влијае на овој орган.
Има многу намирници богати со хранливи материи кои благотворно делуваат на црниот дроб, а една особено важна група на намирници е зеленчукот. Подолу се дадени некои од најкорисните зеленчуци за здравјето на црниот дроб.
Цвекло
Иако некому му пречи неговиот малку земјен вкус, цвеклото е полно со хранливи материи кои добро влијаат на здравјето на црниот дроб. Истражувањата покажуваат дека сокот од цвекло ги спречува болестите така што му помага на црниот дроб да ги извршува своите функции.
Тековните податоци сугерираат дека одредени антиоксиданси кои се наоѓаат во цвекло, наречени беталаини, имаат антиканцерогени и антиинфламаторни својства. Важно е да се напомене дека ова откритие е поврзано со црвено цвекло, а другите видови цвекло можеби немаат исти нивоа на антиоксиданси.
Брокула
Специфичните хранливи материи кои се наоѓаат во зеленчукот од групата Cruciferus, како што е брокулата, се особено корисни за здравјето на црниот дроб. Брокулата може да се јаде сирова или варена, може да се додаде во киш, јадења со тестенини или салати, а може да се служи и како прилог.
Бриселски зелкичкиКако уште еден зеленчук од групата Cruciferus, бриселските зелкички стануваат сè попопуларни во последниве години, и со добра причина. Покрај тоа што можат да го подобрат варењето и да обезбедат големи количини на витамини и минерали, тие содржат билни соединенија кои ја поддржуваат функцијата на црниот дроб. Бриселските зелкички најчесто се јадат печени, динстани или варени на пареа.
Лиснат зеленчук
Во оваа група зеленчуци спаѓаат кељот, спанаќот, блитвата и зелената салата, а полна е со антиоксиданси, кои го штитат организмот од опасните слободни радикали. Една неодамнешна студија покажала дека јадењето сиров спанаќ го намалува ризикот од безалкохолни масни заболувања на црниот дроб.
