Израелскиот премиер, Бенџамин Нетанјаху, е во комуникација со претставници на администрацијата на американскиот претседател Доналд Трамп за да добие подетални информации за текот на преговорите меѓу САД и Иран, пренесува „Си-ен-ен“.
Според извор запознаен со ситуацијата, Израел е загрижен дека може да дојде до американски отстапки во завршната фаза од разговорите, со цел постигнување договор за крај на конфликтот со Иран.
Сè уште не е познато со кои американски функционери разговарал Нетанјаху, а Белата куќа не дала официјален коментар.
Израел особено изразува загриженост за можноста за укинување на санкциите кон Иран, како и за ограничувањата на иранските посреднички групи и ракетната програма.
Израелската страна инсистира и на зачувување на слободата на дејствување на својата армија во регионот. Од извори се наведува дека Нетанјаху е во постојан контакт со Трамп и дека се нагласува останување на клучните американски барања во врска со нуклеарната закана.
