Општина Кисела Вода свика итна седница на Кризниот штаб по невремето кое во зафати Скопје.
Градоначалничката Бети Стаменкоска Трајкоска информира дека екипите се на терен и интервенираат по пристигнатите пријави за поплавени површини и објекти.
-Во постојана и интензивна комуникација сме со Центарот за управување со кризи (ЦУК), Дирекцијата за заштита и спасување (ДЗС), со екипите на ЈП „Водовод и канализација“ – Скопје, како и со надлежните служби на Град Скопје, со цел што побрза интервенција и санирање на штетите. Мобилизирани се сите расположливи општински служби, кои работат на расчистување на критичните точки и обезбедување на безбедноста на граѓаните, посочува Стаменкоска Трајкоска.
Апелира до жителите на Општина Кисела Вода, доколку забележат проблеми или имаат потреба од асистенција, случајот веднаш да го пријават на дежурните телефони:
Бобан: 072 250 719
Димитар: 072 443 500
-Сите наши капацитети се целосно ставени во функција на помош и поддршка на граѓаните. Нашите служби остануваат на терен се додека состојбата целосно не се нормализира, вели градоначалничката.
