Скопје станува нова дестинација на светската Organic House сцена кога Cafe De Anatolia доаѓа со ексклузивен настап на 8 мај во Public Room.
По настапи во Романија, Малта, Дубаи, Ибица и Санторини, брендот ја продолжува својата европска турнеја со шоу кое носи препознатлива мешавина од Organic, Melodic и Ethnic House звук – создавајќи целосно immersive музичко искуство.
Cafe De Anatolia, со над 2 милијарди стримови и повеќе од 30 милиони глобални слушатели, се позиционира како една од најсилните независни музички куќи во електронската индустрија. Брендот е поврзан со големи имиња и институции како Giorgio Armani, Four Seasons и Sony Music Publishing, и често е цитиран како еден од двигателите на Organic House сцената.
Скопскиот настап е дел од нивната тековна европска приказна и носи целосен концертен концепт – не само DJ сет, туку визуелно и музичко патување.
Основан од семејството Илиеви –Моника Илиева, Никола Илиев и Зоран Илиев брендот беше номиниран од Beatport во конкуренција со HUGEL, потпиша историски договор со Sony Music Publishing и стана првиот лејбл што го направил тоа во Источна Европа, како и соработки со Giorgio Armani, Four Seasons, Radisson Blu и многу други, поставувајќи нови стандарди на пресекот меѓу музика, култура и глобален luxury lifestyle.
