Светската здравствена организација (СЗО) денеска соопшти дека епидемијата на хантавирус на крузерот, која предизвика три смртни случаи, не претставува „почеток на епидемија“ ниту „пандемија“ во оваа фаза.
„Ова не е почеток на епидемија. Ова не е почеток на пандемија, но е совршена можност да се потсетиме дека инвестициите во истражување на патогени како ова се клучни бидејќи терапиите, тестовите и вакцините спасуваат животи“, изјави Марија Ван Керхове, раководител на Одделот на СЗО за превенција и подготвеност за епидемии и пандемии, пред новинарите во Женева.
Таа зборуваше на првата прес-конференција организирана од СЗО од почетокот на оваа криза.
СЗО нагласи дека обемот на епидемијата на хантавирус на крузерот треба да биде „ограничен“ доколку се спроведат мерки за јавно здравје и земјите покажат „солидарност“, но додаде дека се „можни“ и нови случаи.
Крузерот МВ „Хондиус“, што патуваше од Аргентина до Капо Верде, е во центарот на меѓународното внимание откако Светската здравствена организација објави во неделата дека тројца патници починале и дека постои сомневање дека се заразени со хантавирусот. (МИА)
