ВИДЕО: Постигнат ПРВИОТ гол по новото правило за офсајд

   

Во канадската Премиер лига, беше постигнат првиот гол беше според новото правило за офсајд, попознато како „правило на Венгер“.

Иако ќе беше поништен во кое било друго натпреварување во светот, голот на Алехандро Дихас за Пасифик против Хелифакс беше признаен како дел од експериментална примена на правило кое би можело да го промени фудбалот.

Што е правилото на Венгер?

Легендарниот француски стручњак Арсен Венгер, кој моментално е директор на ФИФА за глобален развој на фудбалот, предложи промена според која играчот не е во офсајд ако кој било дел од неговото тело што може да се искористи за постигнување гол е во линија со претпоследниот одбранбен играч.

Ова практично значи дека не смее да има слободен простор помеѓу напаѓачот и одбранбениот играч.

Се очекува дека воведувањето на ова правило би можело да доведе до зголемување на бројот на постигнати голови.

Историски гол во Канада

Правилото сè уште официјално не се вкоренило во светскиот фудбал, но канадската Премиер лига го применува пробно од почетокот на оваа сезона.


Имаше неколку ситуации каде што новото правило стапи во сила, но не беа постигнати голови сè до натпреварот помеѓу Пасифик и Хелифакс, кој заврши 2:2.

Дијас постигна гол кој ќе беше поништен според старите правила, но во овој случај беше признат токму поради експерименталната примена.

Потенцијална промена и критики

Концептот, кој поранешниот менаџер на Арсенал долго време го застапуваше во својата улога во ФИФА, се тестира во Канада како потенцијална идна промена на правилото за офсајд.

-Во случај на сомнеж, користа оди кај напаѓачот. Тоа значи дека кога има некаква минимална разлика, напаѓачот би имал предност порано. Со ВАР, таа предност исчезнува. И многу луѓе, мислам дека во Англија, изброаја 37 поништени гола поради минимален офсајд. И тоа е фрустрирачки. Затоа го предложив. Но, сè додека кој било дел од вашето тело е во линија со дефанзивецот, не сте во офсајд, го објасни Венгер своето правило.

Сепак, критичарите предупредуваат дека таквата промена би им дала премногу предност на напаѓачките тимови и би го нарушила балансот на играта.

Доколку тест-фазата е успешна, таканаречениот „Венгеров закон“ наскоро би можел да оживее на најголемата фудбалска сцена, што би претставувало една од најзначајните промени на правилата во модерната историја на фудбалот.