Одбојкарките на скопски Работнички го совладаа на домашен терен Наковски Волеј со 3-1 во сетови и израмнија на 1-1 во финалната серија од плејофот за титулата.
Избраничките на Душко Деспотовски го добија првиот сет со 25-21, но струмичкиот тим брзо се врати резултатски во игра и доминираше во вториот сет за конечни 21-14.
Третиот сет донесе крајно неизвесна битка во која Работнички славеше на крајот на разлика со 26-24, а со резултатски пресврт го доби четвртиот сет со 25-23 и го израмни резултатот во финалната серија која се игра до три победи.
Домаќин на третиот натпревар ќе биде Наковски Волеј.
