Италијанскиот тенисер Лоренцо Мусети го откажа настапот на вториот сезонски грен слем турнир Ролан Гарос, поради повреда на бутот.
Минатогодишниот полуфиналист на Ролан Гарос и светски број 10 на АТП ранкингот, имаше проблеми во поразот во осминафиналето од Норвежанецот Каспер Руд на Отвореното првенство на Италија во Рим во вторникот.
„По натпреварот, бев на лекарски прегледи кои дијагностицираа повреда на ректусот феморис, што бара неколку недели одмор и закрепнување“, напиша Мусети на Инстаграм.
„За жал, ова значи дека нема да можам да играм во Хамбург и Ролан Гарос, вест што е неверојатно тешка за прифаќање“, додаде 24-годишниот Италијанец.
