Сопственик на криптовалута успеа да го врати својот биткоин паричник што содржеше богатство во вредност од речиси 400.000 долари откако му помогна вештачкиот бот Клојд на Антропик. Вештачката интелигенција анализираше стари дигитални податоци и помогна да се врати пристапот до паричник што беше заклучен 11 години.
Биткоин паричникот останал недостапен бидејќи сопственикот ја заборавил лозинката што ја создал во студентските денови, и покрај тоа што со години се обидувал да ја погоди со различни комбинации.
Пресвртот се случил кога корисникот му доставил стари датотеки од стар компјутер на вештачкиот бот Клојд, кој бил во можност да препознае клучни информации и да ги поврзе со оригиналните податоци.
Експертите наведуваат дека вештачката интелигенција не ја пробила криптографската заштита, туку помогнала да се пронајдат стари резервни датотеки и траги за пристап што овозможија враќање на паричникот.
Сопственикот купил криптовалути во време кога еден биткоин вредеше околу 250 долари, а денес неговиот паричник вреди речиси 400.000 долари поради растот на пазарот.
Откако успешно го вратил пристапот, сопственикот наводно изјавил дека размислува да го именува детето по извршниот директор на „Антропик“, Дарио Амодеј, како знак на благодарност.
Експертите истакнуваат дека многу стари биткоин паричници на хард дискови можат да бидат од голема вредност ако се пронајдат вистинските клучеви за пристап или резервни податоци.
Овој случај покажува колку е важно да се чуваат старите дигитални датотеки, бидејќи дури и навидум заборавените податоци повторно можат да станат извор на големо богатство.
