Талентираниот Габри Веига реши со 21 година да се пресели во Саудиска Арабија наместо да направи трансфер во голем европски клуб, Тони Крос смета дека ваквиот потег е срамен.
Габри Веига важи за еден од најталентираните шпански фудбалери и со своите добри игри го привлече вниманието на многу гиганти како Барса, Реал, Манчестер Сити, Челси и Ливерпул.
Наполи сепак беше тој кој најсериозно загриза за услугите на 21 годишното момче и клубот на нашиот Елиф Елмас беше многу блиску до негов ангажман.
Сепак, во последен момент се сменија работите, Габри Веига доби богата понуда од Саудиска Арабија и реши да се пресели во Ал Ахли.
Тони Крос кажа што мисли за оваа зделка и во постот со кој новинарот Фабрицио Романо го најави трансферот, ѕвездата на Реал Мадрид напиша: „Срамно“.
🚨 Toni Kroos’ comment under @FabrizioRomano‘s ‘HERE WE GO’ instagram post for Gabri Veiga’s move to Al-Alhi. 🇸🇦❌ pic.twitter.com/jitVvMK0Rn
— Transfer News Live (@DeadlineDayLive) August 24, 2023
Саудиска Арабија ова лето се расфрла со пари, и разбриливо е кога фудбалерите кои се ближат до залезот на кариерата решаваат да ја заменат Европа со Арапскиот Полуостров, но несфатливо е кога млад перспективен фудбалер се решава на еден ваков чекор, и најубавите години ќе ги помине во првенство кое е далеку од најдобрите и покрај тоа што секој ден пристигнуваат квалитетни играчи.
