Во денешниот израелски воздушен напад врз квартот Деир ал Балах, во централниот дел на Појасот Газа загинаа тројца Палестинци, од кои едно е дете.
Во нападот погоден е шатор, каде се сместени раселени луѓе, а израелската армија тврди дека во бегалскиот камп се наоѓал Захер Абу Салем, за кого тврди дека бил припадник на Исламски џихад и бил вклучен во нападот врз Израел на 7 октомври 2023 година, што ја предизвика војната.
Болницата „Мачениците на Ал Акса“ соопшти дека во нападот загинале осумгодишно дете и двајца мажи, а уште еден човек е повреден.
