Граѓаните на Малта денеска гласаат на парламентарни избори, а анкетите покажуваат дека владејачката Лабуристичка партија се движи кон рекорден четврти мандат.
Премиерот Роберт Абела распиша предвремени избори четири години по почетокот на тековниот мандат, наведувајќи ги како причина идните предизвици за медитеранскиот остров што произлегуваат од неизвесната меѓународна ситуација.
Различни анкети на јавното мислење постојано покажуваат дека неговата Лабуристичка партија е на добар пат да освои убедливо мнозинство во Парламентот, како што го направи тоа во 2013, 2017 и 2022 година.
