👁️ 2812
Никола Зацески уште еднаш го потврди својот вокален квалитетен, на своето прво учество на фестивал во Македонија од интернационален карактер во конкуренција од 15- есет натпреварувачи ја доби наградата за дебитант на фестивалот Охридски Трубадури.
На фестивалската вечер Никола Зацески настапи со песната “Ни вино, ни солзи” со Музика и текст на Григор Копров и Аранжман на Владимир Дојчиновски -Дојчин.
Никола Зацески – “Драго ми е што оваа година имав можност да дебитирам на Интернационалната вечер од 29-то издание на “Охрид Фест” за поп музика со песната “Ни вино, ни солзи”, со која и освоив “Награда за најдобар дебитант“ на Фестивалот.
Огромна благодарност до целиот тим на овој проект и песна која беше во соработка со Григор Копров и Владимир Дојчиновски Дојчин, сценскиот настап со танц го збогати Наталија Димовска а за мојот изглед и гардероба се погрижи “Бутик Линкести” од Битола.
За секоја моја нова песна се трудам и сакам да биде се подобро и подобро изведена, да внесувам нови работи, додека во овој случај од едната страна беше дебитантската појава за мене на Меѓународен Фестивал, а од друга страна прва соработка со еден од најискусните композитори за поп музика во Македонија и пошироко, Григор Копров.
Сето тоа ја крена мојата инспирација да се направи ова ново парче музика што се надевам ќе ви се допадне.
