👁️  19

Австралиски лекар на кого минатата година му бил дијагностициран смртоносен тумор на мозокот, сè уште нема знаци на враќање на болеста по експерименталниот третман на лекување, кој самиот му помогнал да се развие.

Ричард Сколиер, професор на Универзитетот во Сиднеј, пред една недела на Х објави дека неговиот глиобластом, кој бил во четврта фаза, се повлекол и дека не се појавил повторно.

„Минатиот четврток направив скен на мозокот со магнетна резонанца барајќи рекурентен глиобластом (и/или компликација на третманот). Вчера дознав дека сè уште нема знаци на повторување. Не можев да бидам посреќен!!!!” објави Сколиер на X.

Овој успех беше постигнат преку експерименталната терапија на Сколиер, која се базираше на неговото сопствено истражување за меланом.

Глиобластомот е еден од најагресивните форми на рак на мозокот, познат по својата брза прогресија и лоша прогноза. Обично ги погодува возрасните и се карактеризира со брз раст и инвазивност.

Третманот обично вклучува хируршко отстранување на туморот, зрачење и хемотерапија, но повеќето пациенти не преживуваат повеќе од една година по дијагнозата.