Министерот за внатрешни работи Панче Тошковски денеска оствари работна средба со генералниот директор на Меѓународниот центар за развој на миграциски политики – ИЦМПД Михаел Шпинделегер.
Како што соопштуваат од Министерството за внатрешни работи, на средбата било разговарано за приоритетите и претстојните активности кои ги презема МВР од аспект на справувањето со илегалната миграција и воопшто зајакнувањето на капацитетите на граничната полиција да одговори на предизвиците кои таа ги носи.
Состанокот, додаваат, завршил со взаемно изразена желба за интензивирање и развој на соработката помеѓу МВР и Меѓународниот центар за развој на миграциски политики.
