👁️  19

Словачкиот премиер Роберт Фицо изјави дека за време на средбата со неговиот украински колега Денис Шмигал, која е закажана за 24 јануари во Ужгород, ќе соопшти дека неговата земја ќе го блокира членството на Киев во НАТО.

Фицо изјави дека за време на средбата со неговиот украински колега Денис Шмигал, која е закажана за 24 јануари во Ужгород, ќе соопшти дека неговата земја ќе го блокира членството на Киев во НАТО, бидејќи тоа би предизвикало трета светска војна, објави Вестобзервер.

„Знам со што одам (на средбата со украинскиот премиер), одам со хуманитарна помош, како и со потврда дека нема да добијат оружје од словачката армија и од државните магацини. Ќе кажам дека има работи за кои нашите ставови се сосема различни“, нагласи премиерот на Словачка.

Кога станува збор за аспирацијата на Украина за влез во Европската унија, Фицо рече дека „ние тоа го почитуваме, но тие мора да ги исполнат условите“.

„Ќе кажам дека сум против членството на Украина во НАТО, дека ќе го искористам правото на вето и ќе го блокирам, бидејќи тоа би била основа на Трета светска војна“, додаде тој.

Според него, средбата закажана за 24 јануари во Ужхород ќе биде „интересна“, а додаде дека украинската страна не сака да одржи прес-конференција за нејзините резултати.

Словачката влада претходно одлучи да се фокусира на хуманитарната помош и да престане да испраќа оружје во Украина.

Владата на чело со Роберт Фиц не го одобри предлогот на претходната влада за испраќање нов пакет воена помош за Украина во вредност од 40,3 милиони евра.

Тој пакет воена помош требаше да биде 14-ти од Словачка, а од почетокот на конфликтот таа земја испратила оружје, муниција и опрема во Киев во вредност од 671 милион евра.