Претседателот на Владата, Христијан Мицкоски денеска ќе ја посети општина Кисела Вода.
Како што информираат од владината прес-служба, Мицкоски во Кисела Вода ќе изврши увид на градежни активности на проектите од унгарскиот кредит, и тоа отворање на каналот и пешачката патека на Мала Рада и изградба на потпорни ѕидови и реконструкција на коритото.
Предвидено е изјава за медиуми да даде премиерот Мицкоски.
