👁️  502

Портпаролот на украинскиот претседател Володимир Зеленски потврди дека автомобил налетал на возилото во кое се наоѓал претседателот на Украина.

Украинскиот претседател Володимир Зеленски не е тешко повреден во сообраќајната несреќа што се случи во Киев, соопшти неговиот портпарол Сергеј Никифоров преку објава на Фејсбук.

Никифоров – кој не кажа кога се случила несреќата – рече дека автомобилот на Зеленски се судрил со приватно возило.

„Претседателот беше прегледан од лекар кој не констатира сериозни повреди“, рече тој, додавајќи дека целиот инцидент ќе се истражува.

Лекарите кои го придружувале Зеленски му пружиле прва помош на возачот кој учествувал во судирот со неговото возило, а потоа го сместиле во амбулантно возило, изјави портпаролот на Зеленски.