Во организација на Здружението за спортско едрење „Акватика Јахтинг“ од Охрид, а поддржано од Едриличарската федерација на Македонија и Општина Охрид, денеска и утре на Охридското Езеро ќе се одржува Третата меѓународна едриличарска регата „International Ohrid Sailing Regatta“.

На регатата ќе учествуваат едриличарските клубови „Палиќ“, „Металац“ и „Смедерево“ од Србија, „Централен Софиски Јахт клуб“ од Бугарија, „GKZ“ од Полска и нашите клубови „Снегар“ и „Акватика Јахтинг“. Се уште не е познато дали ќе се појават најавените учесници од Црна Гора и Грција.