Првата акција за засадување на нови садници на територијата на Општина Битола ќе се одржи на 22 март во Брусничка населба а ќе започне во 11.00 часот.
Согласно Програмата на ЈП Комуналец Битола акцијата ќе продолжи и наредните денови, а предвидено е засадување на 2000 садници.
Ги повикуваме сите општествено одговорни компании, правни и физички лица, да се вклучат во акцијата. Учеството може да се пријави на телефонскиот број 075282294 или на komunalecbt@komunalecbt.com.mk.
Истовремено продолжува расчистување на дивите депонии со вклучување во организираната акција „Генералка викенд“.
Повеќе информации може да добиете на официјалната страна на ЈП Комуналец Битола.
