Полуфиналната ждрепка во Копа дел Реј донесе вистинска „бомба“ за фудбалските фанови, бидејќи судбината посака да видиме пресметка меѓу двата главни фаворити за трофејот.
Реал Мадрид и Барселона не успеаја да се избегнат и да договорат финален натпревар во месец мај, а тоа автоматски значи дека ќе гледаме дури три „Ел Класика“ во период од 30 дена.
Првото полуфинале ќе се игра на „Сантијаго Бернабеу“ на 1-ви март, додека реваншот ќе се игра на „Камп Ноу“ на 5-ти или 6-ти април.
Во меѓувреме, Барселона ќе му биде домаќин на Реал во големото дерби во Ла Лига закажано за 19-ти март, што значи дека двата големи ривали во три наврати ќе ги одмерат силите во период од 35 дена.
На другата страна од жрепката се најдоа екипите на Атлетик Билбао и Осасуна и тоа е втората полуфинална двојка во Купот.
